Նախագահ Սերժ Սարգսյանը, հիմք ընդունելով Հայաստանի Հանրապետության Նախագահի 2007 թվականի հուլիսի 18-ի «Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգը սահմանելու մասին» ՆՀ-174-Ն հրամանագրով սահմանված կարգի 125-րդ կետը, որոշում է կայացրել Ռոբերտ Հարությունյանին նշանակել Հայաստանի Հանրապետության արտաքին գործերի նախարարի տեղակալ:
Նշենք, որ նոր փոխնախարարը ԱԺ պատգամավոր, ՀՀԿ խմբակցության անդամ Խոսրով Հարությունյանի որդին է։
Հարությունյան Ռոբերտ Խոսրովի
Ծնվել է 1975թ մայիսի 2-ին:
1998թ-ին ավարտել է ՌԴ կառավարությանն առընթեր Ֆինանսական ակադեմիան (բակալավրի աստիճան, ֆինանսներ եւ վարկ:
2007-2010թթ. սովորել է Երեւանի պետական համալսարանում (տնտեսական գիտությունների թեկնածու, ապահովագրություն):
Շվեյցարական բիզնես դպրոցի գործարար կառավարման մագիստրոս (MBA):
1998թ-ից մինչեւ 1999թ – Հայաստանի Կենտրոնական բանկի արժութային գործարքների բաժնի մասնագետ:
1999թ-ից մինչեւ 2002թ – Հայաստանի Կենտրոնական բանկի արժութային գործարքների բաժնի ղեկավար:
2002թ-ից մինչեւ 2008թ – Հայաստանի ֆինանսների եւ էկոնոմիկայի նախարարությունում արտասահմանյան ֆինանսական ծրագրերի կառավարման կենտրոնի գործադիր տնօրեն:
2002թ-ից մինչեւ 2008թ նաեւ աշխատել է Ֆինանսաբանկային քոլեջում որպես դասախոս:
2008թ-ից մինչեւ 2014թ – «Զարգացման հայկական գործակալություն» ՓԲԸ-ի գլխավոր տնօրեն:
2015թ հունվարի 12-ից – Եվրասիական տնտեսական հանձնաժողովի կոլեգիայի (նախարար) անդամ:
