Այսօր՝ մարտի 7-ին, ողբերգական ավտովթար է տեղի ունեցել Կոտայքի մարզում: Ժամը 11:10-ի սահմաններում Mitsubishi Pajero IO մակնիշի 07 ՏՏ 707 համարանիշի ավտոմեքենայի վարորդը Երևան-Սևան ավտոճանապարհի 44.800 կմ հատվածում ճանապարհի մերկասառույցի պատճառով դուրս է եկել երթևեկելի գոտուց, մի քանի պտույտ գլխիվայր շրջվելով՝ հայտնվել ճանապարհի մեջտեղում:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայի ուղևոր՝ Երևանի բնակիչ, 56-ամյա Աիդա Բարսեղյանը տեղում մահացել է, իսկ 1 հոգի՝ 63-ամյա Ենոք Դիլբարյանը մարմնական վնասվածքներով տեղափոխվել է Հրազդանի բժշկական կենտրոն:
Մի քանի հավաքվածներ էլ ասում էին, որ մահացածն ու վիրավորն ամուսիններ էին, վարորդը նրանց որդին է, և նրանք մեկնում էին Վարդենիս՝ թաղման արարողության մասնակցելու:
Մանրամասներն` այստեղ
Աղբյուրը <a href="http://168.am/2016/03/07/605971.html">© 168.am</a></br>
