Իրանի արևմուտքում՝ Իրաքի հետ սահմանին, 5.7 մագնիտուդ ուժգնությամբ երկրաշարժ է տեղի ունեցել, հայտնում է ԻՏԱՌ-ՏԱՍՍ-ը՝ հղում անելով ԱՄՆ-ի երկրաբանական ծառայությանը։
Ստորգետնյա ցնցումների էպիկենտրոնը գտնվել է Դեհլորան քաղաքից 50 կմ դեպի արևելք։ Տուժածների և ավերածությունների մասին տեղեկություններ չեն ստացվել։
Սա արդեն 2-րդ երկրաշարժն է շրջանում մեկ օրվա ընթացքում։ Առավոտյան հայտնի էր դարձել, որ 4.2 մագնիտուդ ուժգնությամբ երկրաշարժ է գրանցվել երկրի հարավում:
