Հռոմի պապ Ֆրանցիսկոսը զանգահարել է «Իսլամական պետություն» ծայրահեղական խմբավորման կողմից գլխատված ամերիկացի լրագրող Ջեյմս Ֆոուլիի ծնողներին և սփոփանքի խոսքեր ասել նրանց, հայտնում է New York Daily News-ը:
Ջոն և Դայան Ֆոուլիները Հռոմի պապից զանգ են ստացել հինգշաբթի ցերեկը, զրուցել են թարգմանչի միջոցով, հեռախոսազրույցը տևել է 20 րոպե:
Ֆոուլիները ևս կաթոլիկ են: Հռոմի պապի զանգից առաջ հայրենի Ռոչեստրում նրանք հանդես են եկել մամուլի ասուլիսով՝ ի հիշատակ իրենց որդու:
Հիշեցնենք, որ օրերս «Իսլամական պետություն» ծայրահեղական խմբավորման անդամները Սիրիայում գերեվարված ամերիկացի լրագրող Ֆոուլիին գլխատել էին և տեսանյութը տեղադրել համացանցում ՝«Ուղերձ Ամերիկային» վերնագրով:
