Մոտավորապես 5,2 հզ. մարդ է հիվանդանոց տարվել ջերմային հարվածի հետևանքով և 5-ը զոհվել է Ճապոնիայում շարունակվող տապի պատճառով: Այդ մասին հաղորդվում է հրշեջ ծառայության հաղորդագրությունում:
Օգոստոսի երկրորդ շաբաթը, Հալոն ցիկլոնի անցնելու շնորհիվ, աչքի ընկավ տապի նվազմամբ: Այդ ժամանակ Ճապոնիայի մեծ տարածքում ցերեկը ջերմաստիճանը եղել է մոտ 33 աստիճան: Սակայն անցած շաբաթ ջերմաստիճանը բարձրացել էր մինչև 35 աստիճան:
Բարձր ջերմաստիճանի պատճառով օդերևութաբանները կոչ են անում մարդկանց օդորակիչ օգտագործել, երկար ժամանակ փողոցում չմնալ, ինչպես նաև անընդհատ ջուր խմել: