1000 դիրհամով (մոտավորապես 272 դոլար) կտուգանվեն այն կին վարորդները, որոնք կդիմահարդարվեն ղեկի մոտ կամ կուղղեն սանրվածքը երթևեկության ժամանակ, հայտնում է էմիրությունների Khaleej Times թերթը:
Համապատասխան հրամանը տարածվել է ԱՄԷ-ի ներքին գործերի նախարարության կողմից: Ինչպես գրում է թերթը, նման վարքագիծը կգնահատվի որպես այնպիսի վարում, որը վտանգ է ստեղծում ճանապարհին:
Այդ դեպքում ոստիկանությունը, բացի տուգանքից, ստիպված կլինի 1 ամսով առգրավել ավտոմեքենան: