Ria.ru կայքի փոխանցմամբ՝ ՀՀ և ՌԴ նախագահները մարտի 10-ին Մոսկվայում մտքեր կփոխանակեն Լեռնային Ղարաբաղի հակամարտության վերաբերյալ:
Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
Պեսկովը նաև խոսել է ԼՂ հիմնահարցի մասին: Լրագրողի այն հարցին, թե որքանով է հնարավոր ղարաբաղյան հակամարտության վերսկսումը՝ կապված Մերձավոր Արևելքում տիրող իրավիճակի և ռուս-թուրքական հարաբերությունների հետ, նա ասել է. «Անշուշտ, նման փոթորկոտ տարածաշրջանում հարևանությունը կայունություն չի ապահովում մեր հարևանների համար»:
