Ֆուտբոլի Հայաստանի ազգային հավաքականի գլխավոր մարզիչ Բեռնար Շալանդը հայտարարել է, որ երեք ընկերական հանդիպումները եւ ակումբներում ազգային թիմի ֆուտբոլիստների խաղին հետեւելու արդյունքում հասցրել է գրեթե ամբողջությամբ ծանոթանալ հավաքականի ներուժին: Նա նաեւ նշել է, որ հաշվի առնելով Արաս Օզբիլիսի եւ Յուրա Մովսիսյանի վնասվածքները, բարդ կլինի Եվրոպայի առաջնության ընտրական մրցաշարում:
«Դժվար կլինի լուծել Եվրոպայի առաջնության եզրափակիչ փուլ դուրս գալու խնդիրը: Բայց ես գլխավոր մարզիչն են, եւ իմ գործը վնասվածքներ ստացած ֆուտբոլիստների պարագայում լուծում գտնելն է:
Լատվիայի հետ ընկերական խաղը կարեւոր է ընտրական մրցաշարից առաջ թիմին ավելի լավ ծանոթանալու համար: Արդեն ամբողջությամբ ծանոթեմ թիմի ներուժին, հնարավորություններին, խաղացողներին»,- «Արմենիա» հեռուստաընկերության եթերում ասել է Բեռնար Շալանդը:
Սեպտեմբերի 3-ին Ռիգայում Հայաստանի հավաքականն ընկերական հանդիպում կանցկացնի Լատվիայի հետ, իսկ սեպտեմբերի 7-ին Կոպենհագենում Դանիայի հետ խաղով կմեկնարկի Եվրոպայի առաջնության ընտրական մրցաշարում:
