Ամերիկյան Curiosity մարսագնացը Կարմիր մոլորակի վրա՝ Գեյլ հրաբխային խառնարանի Yellowknife Bay հատվածում, հայտնաբերել է հնագույն լճի հետքեր, որտեղ ժամանակին կարող էր կյանք գոյություն ունենալ, հայտնում է Лента-ն։
Այդ տեղանքում նստվածքային նյութերի ուսումնասիրության արդյունքները վկայում են, որ մոտ 3.6 մլրդ տարի առաջ այդտեղ գոյություն է ունեցել առնվազն մի լիճ։
Գիտնականները ենթադրում են, որ լճի ջուրը եղել է քաղցրահամ ու պարունակել է կյանքի համար անհրաժեշտ առանցքային քիմիական տարրեր՝ ածխածին, ջրածին, թթվածին, ազոտ ու ծծումբ։
Curiosity-ն Մարսի վրա վայրէջք է կատարել 2012թ. օգոստոսի 6-ին։ Դրա հիմնական նպատակն է հեռավոր մոլորակի վրա կյանքի գոյության ապացույցներ գտնել։
