Միջսիրիական բանակցությունների հարցով բարձրագույն կոմիտեի սիրիական ընդդիմության պատվիրակությունը ծրագրում է ձևավորել անցումային կառավարող մարմին՝ առանց գործող նախագահ Բաշար Ասադի: Այս մասին հայտարարել է պատվիրակության գլխավոր բանակցորդ Մոհամադ Ալուշը՝ փոխանցում է RIA Novosti-ն:
«Մենք եկել ենք, որպեսզի ձևավորենք անցումային մարմին՝ առանց Ասադի իշխանության»,- հայտնել է նա:
Նշվում է նաև, որ կոմիտեի ներկայացուցիչները բանակցային գործընթացում կառավարական պատվիրակության կողմից սպասում են արգելքների:
