Սպիտակ տանը հայտարարել են, որ դեռևս կանխագուշակումներ չեն անի, թե ինչպիսի նշանակություն կունենա Սիրիայի հակամարտության կարգավորման համար երկրից Ռուսաստանի զորքերի դուրսբերումը, հայտնում է RIA Novosti-ն: ԱՄՆ-ը հայտարարել է, որ այդ հարցում կուսումնասիրի Մոսկվայի մտադրությունները:
«Ես դեռևս չեմ տեսել այդ հաղորդագրությունները, և ինձ համար դժվար է գնահատել, թե դա ինչ ազդեցություն կունենա բանակցությունների վրա, ինչ փոփոխություններ դա կբերի բանակցությունների դինամիկային: Մեզ անհրաժեշտ է տեսնել թե հատկապես ինչ մտադրություններ ունի Ռուսաստանը»,- ասել է Սպիտակ տան մամլո քարտուղար Ջոշ Էռնեստը:
Ավելի վաղ Ռուսաստանի նախագահ Վլադիմիր Պուտինը հրամայել էր մարտի 15-ին սկսել Ռուսաստանի հիմնական ուժերի դուրսբերումը Սիրիայից:
