Վանի Աղթամար կղզու Սուրբ Խաչ եկեղեցում իրականացվելիք հերթական պատարագի նախապատրաստական աշխատանքներին զուգահեռ Գեւաշի (Ոստան) քաղաքապետ Սինան Հաքանը նշել է, թե պատարագից հետո Խաղաղության սեղան է գցվելու կղզում:
Թուրքական Cihan լրատվական գործակալության փոխանցմամբ՝ Գեւաշի քաղաքապետ Սինան Հաքանն այս տարի պատարագի անցկացման համար մեծ աշխատանքներ է իրականացրել՝ նախատեսելով պատարագից հետո սեղանի շուրջ հավաքել պատարագին ներկա հայ, ասորի, հույն եւ մուսուլման հոգեւորականներին եւ տեղի իշխանությունների ներկայացուցիչներին:
Սինան Հաքանի խոսքով՝ այդ սեղանը սովորական ճաշի սեղան չի լինելու, այդ սեղանը բարեկամության եւ եղբայրության սեղան է լինելու:
Նշենք, որ արդեն 5-րդ անգամ կազմակերպվող Սուրբ Խաչի պատարագը տեղի է ունենալու սեպտեմբերի 7-ին:
