Մանհեթենի դաշնային դատավորը հավանություն է տվել Նյու Յորք քաղաքի եւ հինգ տղամարդկանց միջեւ խաղաղ համաձայնագրին, որոնց անարդարացի դատապարտել էին բռնաբարության համար: Քաղաքի իշխանությունները պետք է վճարեն 41 միլիոն դոլար:
Հինգ սեւամորթ եւ լատինամերիկացի դեռահասների 1989թ. ազատազրկման էին դատապարտել քաղաքի Կենտրոնական այգում սպիտակամորթ կնոջ բռնաբարության համար:
Սկզբնապես երիտասարդները ընդունել էին մեղքը, սակայն այնուհետեւ հայտարարել էին, որ իրենց ստիպել են ցուցմունքներ տալ` սպառնալիքներով եւ ծեծով:
2002թ. հանցագործությունը խոստովանել էր արդեն ճաղերի հետեւում գտնվող մեկ այլ տղամարդ: Նրա խոսքերը հաստատվել էին ԴՆԹ-ի անալիզով:
Դա դարձել էր դատական տեւական գործընթացի պատճառ, դատապարտյալներին սկսել էին անվանել «Սենթրալ պարկի հնգյակ»:
Ըստ տվյալների` դատավորի կողմից հավանություն ստացած գումարը Նյու Յորքի պատմության մեջ ամենախոշոր դատական փոխհատուցումն է սխալի դիմաց, փոխանցում է BBC-ի ռուսական ծառայությունը:
