Անգլիական «Լիվերպուլի» իտալացի հարձակվող Մարիո Բալոտելին «Վուլվերհեմփթոնի» հետ ընկերական հանդիպման ժամանակ վիճել է գլխավոր մրցավար Կրիս Ֆոեի հետ, հաղորդում է Daily Mail-ը։
Դրվագներից մեկում 24-ամյա ֆուտբոլիստը դժգոհ է մնացել մրցավարի որոշումից եւ բղավել նրա վրա։ Ակումբակիցները կանխել են միջադեպը, իսկ Բալոտելին փոխարինվել է։
Այդ խաղում Անգլիայի փոխչեմպիոնը հաղթել է Ադամ Լալանայի խփած միակ գոլի շնորհիվ։
