Իննամյա Տեսսին շատ հմայիչ ,խելացի ու լուրջ մի աղջնակ էր...
Մի անգամ պատահաբար լսեց ծնողների խոսակցությունը իր փոքրիկ եղբոր՝Թեդի մասին: Նա գիտեր, որ եղբայրը ծանր հիվանդ է, իսկ ծնողները բուժման համար գումար չունեն: Նրանք վերջերս էին տեղափոխվել մի ուրիշ բնակարան, որովհետև բավականաչափ գումար չունեին վճարելու տան վարձն ու հոգալ բուժման ծախսերը: Ծանր էր երեխայի վիճակը, միայն մի շատ «թանկարժեք» վիրաբույժ կարող էր փրկել Թեդի կյանքը...
Տեսսին լսեց ,թե ինչ ասեց հուսահատված հայրը իր լացակումած մորը.
-Միայն հրաշքը կարող է փրկել մեր որդուն:
Տեսսին վազեց իր սենյակ և վերցրեց իր ապակե տարան, ուր պահում էր իր բոլոր խնայողությունները, լցրեց հատակին ու սկսեց զգուշորեն հաշվել մանրադրամը: Հաշվեց երեք անգամ, որ չսխալվի, հետո նորից մետաղադրամը լցրեց բանկայի մեջ, փակեց կափարիչով ու աննկատ դուրս եկավ տանից և որքան ուժ կար ոտքերում ՝վազեց դեղատուն:
Նա լուռ սպասում էր,որ դեղագործն իրեն ուշադրություն դարձնի, սակայն նա այնքան էր տարված խոսակցությամբ մեկ ուրիշ մարդու հետ, որ հազիվ թե նկատեր աղջկան:
Տեսսին ամեն կերպ փորձում էր հրավիրել նրա ուշադրությունը, սակայն՝ ապարդյուն:
Ի վերջո նա վերցրեց մի մետաղադրամ ու սկսեց թակել ապակին և դա օգնեց:
-Ի՞նչ եք ցանկանում,-հարցրեց դեղագործը բարկացկոտ ձայնով: Գիտեք, ես զրուցում եմ իմ եղբոր հետ, որին չեմ տեսել մի քանի տարի:
-Լավ,բայց ես կցանկանայի խոսել իմ եղբոր մասին,-պատասխանեց Տեսսին նույն տոնով:
- Գիտեք նա շատ հիվանդ է և ես ցանկանում եմ Հրաշք գնել:
-Ներեցեք, ի՞նչ:
-Նրա անունը Թեդ է, նրա գլխի մեջ ինչ-որ վատ բան է աճում և իմ հայրն ասել է,որ հիմա նրան միայն Հրաշքը կարող է փրկել: Այսպիսով, ի՞նչ արժի այդ հրաշքը:
-Մենք այստեղ հրաշք չեն վաճառում: Ներիր, բայց ոչնչով օգնել չեմ կարող,-պատասխանեց դեղագործը:
-Լսեք,ես գումար ունեմ ,ես կվճարեմ ու եթե չբավականացնի՝ ես կճարեմ նորից միայն թե ասեք, որքան այն արժե:
Դեղագործի եղբայրը, որը մինչ այդ լուռ լսում էր նրանց խոսակցությունը՝ մոտեցավ, ծնկեց փոքրիկ աղջկա առջև ու հարցրեց.
-Ի՞նչ տեսակի Հրաշք է հարկավոր քո եղբորը,փոքրիկս:
-Ես չգիտեմ,-լացակումած պատասխանեց Տեսսին: Ես միայն գիտեմ,որ նա շատ հիվանդ է ու մայրս ասում է, որ նրան վիրահատել է հարկավոր: Բայց իմ հայրը չի կարող վճարել գործողության համար: Ուստի, ես որոշեցի օգտագործել իմ փողը:
-Ի՞սկ որքան ունես,- հարցրեց Չիկագոյից եկած դեղագործի եղբայրը:
-Մի դոլլար և 11 ցենտ,-թոթովեց Տեսսին:
-Ինչպիսի զուգադիպություն,-ժպտաց տղամարդը, մի դոլլար ու 11 ցենտ: Նա վերցրեց գումարը,բռնեց աղջկա ձեռքն ու խնդրեց տանել իրենց տուն:
-Ես ուզում եմ տեսնել քո եղբորն ու հանդիպել ծնողներիդ: Տեսնենք, թե ինչ կարգի Հրաշք է ձեզ հարկավոր:
Այդ լավ հագնված տղամարդը հայտնի նյարդավիրաբույժ Քարլթոն Ամսթրոնգն էր:
Նա բոլորովին անվճար կատարեց վիրահատությունն ու շուտով Թեդը լիովին առողջ վերադարձավ տուն:
Մայրն ու հայրը երջանիկ էին: Նրանք ուրախ քննարկում էին պատահական իրադարձությունների շղթան, որը հանդիպեցրեց իրենց վիրաբույժին:
-Այդ բժիշկը իսկական Հրաշք էր,- շշնջաց մայրը: Հետաքրքիր է,թե որքան կարժենար:
Տեսսին ժպտաց, դե նա հաստատ գիտեր ,թե որքան է այդ Հրաշքի արժեքը.
Մի դոլլար և 11 ցենտ... Ավելացրած ՝փոքրիկ աղջկա Անկեղծ Հավատը...
