Երեւանի Ազատության հրապարակում մեկնարկել է «Նոր Հայաստան» հանրային փրկության ճակատի հանրահավաքը:
Հանրահավաքը, որին կհաջորդի երթ, հրավիրվել է երկրում ստեղծված աղետալի սոցիալ-տնտեսական վիճակի եւ մարդու իրավունքների խախտումների դեմ բողոքելու նպատակով:
Ազատության հրապարակում են «Ժառանգություն» կուսակցության անդամներ Րաֆֆի Հովհաննիսյանը, Արմեն Մարտիրոսյանը, «Ոտքի Հայաստան» շարժամ անդամ Անդրիաս Ղուկասյանը, «Նոր Հայաստան» հանրային փրկության ճակատի ընդդիմության միասնական շտաբի պետ Ժիրայր Սեֆիլյանը:
Հանրահավաքի մասնակիցները երթով կշարժվեն դեպի Երեւանում ԵՄ ներկայացուցչության գրասենյակ, որտեղ նամակ կհանձնեն Հայաստանում քաղբանտարկյալների առկայության եւ մարդու իրավունքների խախտման դեպքերի վերաբերյալ:
