Սիրիայի ընդդիմադիր «Մոսկվա-Կահիրե» խումբը հանդես է գալիս Սիրիայի ապագա նախագահի լիազորությունների կրճատման օգտին: Այդ մասին Sputnik գործակալությանը հայտնել է խմբավորման ղեկավարներից մեկը` Ռանդա Կասիսը:
«Մենք այն բանի կողմն ենք, որ կառավարությունը ունենա իր լիազորությունները, իսկ նախագահը չունենա այնպիսի լիազորություններ ինչպես այժմ Սիրիայում: Դա անտրամաբանական է»,- ասել է Կասիսը:
Միջսիրիական բանակցությունները ամբողջ ձևաչափով կվերսկսվեն Ժնևում մարտի 14-ին: Ժնև են ժամանել Սիրիայի կառավարության ներկայացուցիչները` ՄԱԿ-ում Սիրիայի մշտական ներկայացուցիչ Բաշար Ջաֆարիի ղեկավարությամբ, Սիրիայի բանակցությունների շուրջ ընդդիմադիր Բարձրագույն կոմիտեն` ստեղծված Կահիրեի և Մոսկվայի հանդիպումների արդյունքում, ինչպես նաև Սիրիայի ներքին ընդդիմությունը:
