ԱՄՆ կատարելիք այցի շրջականերում Չինաստանի առաջնորդ Ծի Ցզինպինը պատրաստվում է ԱՄՆ նախագահ Բարաք Օբամայի հետ քննարկել հյուսիսկորեական հարցը, այս մասին այսօր՝ մարտի 24-ին հայտարարել է Չինաստանի փոխարտգործնախարար Լի Բաոդունը:
«Հանդիպման ժամանակ երկու երկրների ղեկավարները պատրաստվում են ամենայն լրջությամբ անդրադառնալ երկկողմ հարաբերություններին՝ ներառյալ Կորեական հարցին»,-ասել է չինացի դիվանագետը՝ հավելելով, որ Չինաստանը կողմ է հարցի դիվանագիտական կարգավորմանը:
«Մենք կարծում ենք, որ Կորեական թերակղզու հարցը պետք է լուծվի երկխության և խորհրդակցությունների միջոցով»,-ասել է Բաոդունը:
