Դուբլինի օդանավակայանում իրար են բախվել Եվրոպայի ամենախոշոր բյուջետային ավիաընկերության՝ Ryanair-ի երկու ուղևորատար ինքնաթիռ, հաղորդում է ИТАР-ТАСС-ը:
Ինչպես հայտնել է օդանավակայանի պաշտոնական ներկայացուցիչը, «դեպքի հետևանքով ոչ մի ուղևոր չի տուժել», սակայն սպասվում է, որ երկու չվերթներն էլ կհետաձգվեն անորոշ ժամանակով:
Տեխնիկական ծառայությունների մասնագետները ստուգում են ինքնաթիռները, դրանցից մեկի թևը վնասվել է:
Նախնական տվյալներով՝ վթարի պատճառը դարձել է անձնակազմից մեկի սխալը: Ավիափոխադրողի մամուլի ծառայությունում իրավիճակը մեկնաբանել հրաժարվել են:
