Հոկտեմբերի 16-ին` ժամը 12.38-ին, ահազանգ էր ստացվել, որ Սյունիքի մարզի Ճակատեն գյուղի մոտակայքում` ավտոճանապարհին, տեղի է ունեցել քարաթափում, ճանապարհը դարձել է միակողմանի երթևեկելի, անհրաժեշտ է փրկարարների օգնությունը: Դեպքի վայր է մեկնել օպերատիվ խումբ:
Պարզվել է, որ Կապան-Շիկահող ավտոճանապարհի 13-րդ կմ-ում տեղի է ունեցել կավաշերտի փլուզում (մոտ 20 քմ)` ճանապարհը դարձնելով միակողմանի երթևեկելի: ՃՇՇ աշխատակիցների կողմից կատարվել է ճանապարհահատվածի մաքրման աշխատանքներ: Ժամը 14.05-ի դրությամբ երթևեկությունը վերականգնված է:
