Kommersant.ru կայքի փոխանցմամբ՝ Ռուսաստանի Դոնի Ռոստով քաղաքի օդանավակայանում FlyDubai ավիաընկերության Բոինգ 737 ինքնաթիռի կործանման պատճառը կարող էր լինել օդաչուների միջև վերջին վայրկյաններին ծագած վեճը:
Պարզվել է, որ նոր բարձրություն հավաքելու համար, երբ անհրաժեշտ է եղել արդեն երկրորդ շրջանը կատարել, օդաչուները այն արել են ինքնուրույն՝ ելնելով սարքերի տվյալների վերլուծությունից: Այս ժամանակ արդեն օդաչուներն են որոշում, թե ինչ թեքություն պետք է հաղորդեն օդանավի դիմացի հատվածին:
Մասնավորապես, օդաչուների միջև վեճ է առաջացել այն ժամանակ, երբ նրանցից մեկը փորձել է մեծացնել արագությունը, իսկ մյուսը՝ հակառակը բաղավելով՝ «կանգնի՛ր, ո՞ւր, կանգնի՛ր»՝ իրենից հետ է մղել ղեկը՝ փորձելով նվազեցնել արագությունը և իջեցնել ինքնաթիռի դիմացի հատվածը:
«Օդաչուներն ի վերջո համաձայնեցրել են իրենց գործողություններն այն ժամանակ, երբ զգացել են վտանգը մոտավորապես այնպես, երբ մարդն իրեն զգում է ընկնող վերելակի մեջ, սակայն արդեն ուշ է եղել: Կործանումից վայրկյաններ առաջ լսվում են օդաչուների սարսափահար ճիչերը»,-գրում է պարբերականը:
