Մոսկվայի նկատմամբ Արևմուտքի պատժները լուրջ կորուստներ բերեցին Անկարային, սակայն թուրքական կողմն ավելի լուրջ գլխացավանք ունի Սիրիայում ռուսական օդուժի հաջողությունների պատճառով, քանի որ այսկերպ ռուսական կողմը ոչնչացեց Անկարայի էներգետիկ հեռանկարները, գրում է Oilprice-ը: Ռուաստանի հետ կոնֆլիկտային հարաբերություններ ունենալը ոչ նախանձելի վիճակ են ստեղծել Թուրքիայի էներգետիկ ոլորտի համար:
Բանն այն է, որ 2002 թվականից սկած այս երկիրը լուրջ կախվածության մեջ էր գտնվում ռուսական գազից և նավթից: Սա դեռ բավական չէ, Անկարային կարծես թե չէր հետաքրքրում էներգետիկ ոլորտում մյուս երկրների հետ իր կապի թույլ լինելը: Ռուսաստանից կախվածությունը թուլացնելու համար Թուրքիան պայմանագիր ստորագրեց Քաթարի հետ: Այս գործարքը խիստ ռիսկային էր Անկարայի համար, քանի գազատարը պետք է անցներ Սիրիայով, Իրաքով և քրդական տարածքով:
Թուրքիան հույսը դրել էր այն բանի վրա, որ Դամասկոսն ու քրդերը պարտության կմատնվեն, և տարածաշրջանում ուժեր դասավորության փոփոխություն կլինի: Ընդ որում, իր նպատակներին հասնելու համար Անկարան ընդհանրապես դեմ չէր Իսլամական պետություն խմբավորման ահաբեկիչների հետ աշխատելուն, գրում է պարբերականը:
Սակայն Սիրիայում ռուսական օդուժի հաջողություններից հետո ահաբեկիչները մեկը մյուսի ետևից պարտություններ են կրում, իսկ Անկարայի հակառակորդներն ավելի են ամրացնում իրենց դիրքերը: Այսպիսով Մոսկվան ուղղակի քարուքանդ արեց Անկարայի առանց այդ էլ խարխուլ էներգետիկ ոլորտը: Հոդվածի հեղինակը հավելում է, որ ռուսական կողմի աջակցությամբ Ասադի դիրքերի ամրապնդումը վերջ դրեց Թուրքիա-Քաթար գազատարի նախագծին:
