Լրագրողների հետ ունեցած այսօրվա հանդիպմանը ՀՀԿ փոխնախագահ Արմեն Աշոտյանը ասել է, որ Հայաստանի Հանրապետական կուսակցությունն աշնանը նոր ծրագիր կունենա.«Մենք ստեղծում ենք կուսակցության նոր ծրագիր, ինչի համար արդեն ստեղծվել է աշխատանքային խումբ, որը ղեկավարում ենք ես և Մուշեղ Լալայանը»:
Ըստ Արմեն Աշոտյանի , կուսակցության ծրագիրը վերջին անգամ վերանայվել է 10 տարի առաջ, իսկ հիմա առաջ են եկել նոր մարտահրավերներ, իրավիճակ է փոխվել, իսկ կուսակցության ծրագիրը ոչ միայն պետք է ներկային համահունչ լինի, այլ պետք է ուրվագծի ապագան:
