Կառավարությունն այսօրվա նիստում դրական եզրակացություն տվեց ԱԺ պատգամավոր Էդմոն Մարուքյանի օրենսդրական նախաձեռնությանը, որով նա առաջարկում է Քրեական օրենսգրքում փոփոխություն անել և ընտրակեղծարարներին տուգանելու փոխարեն միայն ազատազրկել:
Կառավարության աշխատակազմի ղեկավար-նախարար Դավիթ Հարությունյանի խոսքով այդ հարցը պետք է դատարանին վստահել:
«Շատ արհեստական և կոշտ է, սրանով մենք իսպառ վերացնում ենք դատարանի դերակատարումը: Գյուղերում լինում են դեպքեր, երբ ամուսինը կնոջ անձնագրով գալիս է քվերակման, խախտում է կատարում, այո՛, բայց ենթակա՞ է ազատազրկման…»,- նշեց Դավիթ Հարությունյանը:
Վարչապետը ասաց, որ ուսումնասիրել է խնդիրը և գիտի, որ Գերմանիայում և Շվեյցարիայում գործում է և՛ տուգանքը, և՛ ազատազրկումը:
«Ես կարծում եմ, որ ճիշտ կլինի մենք տանք համաձայնություն, ԱԺ-ն կորոշի: Իրավական առոմով ես էլ եմ համարում, որ ճիշտ չէ»,- նշեց նա:
Նախաձեռնությունը դրական եզրակացություն ստացավ:
