Արագածոտնի մարզի Եղնիկ գյուղի բնակիչներն այսօր՝ նոյեմբերի 6-ին փակել են Երևան-Գյումրի ավտոճանապարհը և պահանջում են հանդիպում կառավարության աշխատակիցների հետ:
«Հարյուր հոգի է, շունը տիրոջը չի ճանաչում, խմելու ջրի խնդիրն է պատճառը, ինձ էլ զոռով բերել, կանգնացրել են էստեղ»,- ասաց գյուղապետը՝ Աշոտ Առաքելյանը:
Նրա խոսքով՝ բնակիչները պահանջում են հանդիպում վարչապետի վերահսկողության կոմիտեի և ջրային ռեսուրսների վարչության պատասխանատուների հետ:
Այս պահին դեռ ճանապարհը փակ է, պարզ չէ, թե երբ են գյուղացիները պատրաստվում բացել այն:
Հիշեցնենք, որ ճանապարհը փակե է վաղ առավոտից:
