ՀՀ ԱԺ խոսնակ Արսեն Բաբայանը ֆեյսբուքյան իր էջում գրում է.
Հարգելի ընկերներ, այս պահից դադարեցնում ենք թարգմանիչների հավաքագրումը:
Հայտնում եմ, որ ստացվել է շուրջ 150 թարգմանչի հայտ տասից ավել լեզուների համար:
Սա ևս մեկ անգամ ապացուցեց, որ մեր հանրությունը սթափ է և պատրաստ է անգամ ամենաանսպասելիին: Ինչպես գիտենք հակառակորդն ընդամենը չարաճճիություններ է անում առաջին գծում և ստանում հայրական ապտակներ:
Այսպիսով, վստահեցնում եմ, որ պաշտոնական աղբյուրներում ամբողջությամբ պատշաճ կարգով կատարվում է պաշտոնական թարգմանությունները, ինչը բավարար է պետության անվտանգության համար:
Թարգմանիչ գրանցված կամավորներին խնդրում եմ որպես ճշգրիտ տեղեկատվության աղբյուր օգտվել բացառապես պաշտոնական հաղորդագրություններից:
Բոլորիդ կոչ եմ անում.
Որպես հասարակական ակտվիություն, ինչպես նաև ադրբեջանցիներին իրականությունը ցույց տալու միջոց, հորդորում եմ.
1. կենտրոնանալ արտերկրում գտնվող ձեր հարազատներին ու ընկերներին ճշգրիտ տեղեկատվություն տալու վրա:
2. կենտրոնանալ օտարերկրյա (ռուսական, ամերիկյան, եվրոպական, արաբական, ադրբեջանական, թուրքական և այլն) լրատվամիջոցների քննարկումներում (comments) և բլոգներում մեր տեսակետի վերաբերյալ նյութեր թարգմանելու և տեղադրելու վրա:
ՍԱ ՀԱՍԱՐԱԿԱԿԱՆ ԱԿՏԻՎՈՒԹՅԱՆ ՄԵԿ ՕՐԻՆԱԿ Է, որ կարող է անել մեր օնլայն հանրությունը:
