Կոչ եմ անում կողմերին անհապաղ կերպով դադարեցնել մարտերը. Ֆեդերիկա Մոգերինի

«Շփման գծում ընթացող ծանր մարտերի մասին հաղորդումները խորապես անհանգստացնող են։ Ես կոչ եմ անում կողմերին անհապաղ կերպով դադարեցնել մարտերը և  պահպանել հրադադարի ռեժիմը։ Կողմերը պետք է զսպվածություն ցուցաբերեն և զերծ մնան լարվածությունը խորացնող գործողություններից և հայտարարություններից», - ասել է Եվրոպական Հանձնաժողովի փոխնախագահ և ԵՄ արտաքին հարաբերությունների ու անվտանգության հարցերով բարձր ներկայացուցիչ Ֆեդերիկա Մոգերինին։