Վատիկանի Սուրբ Պետրոսի հրապարակում իր ամենշաբաթյա ուղերձում Հռոմի պապ Ֆրանցիսկոսը հայտարարել է, որ «դրախտի դարպասները բաց են Աստծո բոլոր արարածների համար»՝ գրում է RT-ն: Նման հայտարարությամբ քահանայապետը քաջալերել է վերջերս իր շանը կորցրած տղային:
«Մի օր մենք կրկին կտեսնենք մեր կենդանիներին»,- ասել է քահանայապետը:
Նշենք, որ կաթոլիկների շրջանում վաղուց են վեճեր ընթանում՝ կարո՞ղ են և պե՞տք է կենդանիները մահվանից հետո հայտնվեն դրախտում: Մասնավորապես, Բենեդիկտոս XVI-ը 2008-ին ասել էր, որ երբ կենդանիները մահանում են, «նրանց գոյությունը Երկրի վրա պարզապես դադարեցվում է»: