Հայաստանում տեղակայված Ռուսաստանի դաշնության սահմանապահ ծառայության վարչությունից տեղեկացնում են, որ դեկտեմբերի 13-ին ձերբակալել են Իրանի Իսլամական հանրապետության քաղաքացու, ով իր բեռնատարով Մեղրու «Ագարակ» անցակետով, փորձել է սահմանն անցկացնել հորատման սարքավորումների պահեստամասեր ու ալկոհոլային խմիչք:
Մաքսանենգ ապրանքը առգրավվել ու հանձնվել է Մեղրիի մաքսակետի աշխատակիցներին: Առգրավված ապրանքի արժեքը կազմում է 1,3 միլիոն դրամ, քննությունը ընթացքի մեջ է:
