Ռուսաստանցիներն անվանել են Ռուսաստանի համար ամենամտերիմ և բարեկամ երկրների եռյակը: Ցանկում առաջին հորիզոնականում Բելոռուսն է՝ 68 տոկոսով, ապա Չինաստանը՝ 56 տոկոսով և Ղազախտանը՝ 50 տոկոսով:
Նշվում է, որ այս երկրներն իրենց դիրքերը չեն զիջում 2014 թվականի ապրիլից հետո: Հարցումն անց է կացրել «Հասարակական կարծիք» հիմնադրամը:
Ռուսաստանին բարեկամ համարվող երկրների ցանկում հայտնվել են նաև Հնդկաստանը, Կուբան, Բրազիլիան, Վենեսուելան, Ճապոնիան, Իրանը, Իսրայելը, Ֆրանսիան և Իտալիան:
Ինչ վերաբերում է ոչ բարեկամական երկրներին, ապա այստեղ ցուցակի առաջին երեք հորիզոնականներում հայտնվել են Թուրքիան, Ուկրաինան և ԱՄՆ-ը:
