Ինչպես հաղորդում է Արմենպրեսը, Իրանը Հայաստանի հետ սահմանին գտնվող
Արազ ազատ տնտեսական գոտում նախատեսում է կառուցել նոր օդանավակայան: Այս մասին հայտարարել է Արազ ազատ տնտեսական գոտու տնօրեն Մոհսուն Խադեմ Արաբբաղին:
Ըստ նրա՝ օդանավակայանը ծրագրվում է կառուցել առաջիկա երկու տարվա ընթացքում, արդեն ստացվել են օդանավակայանի շինարարության արտոնագիրը:
Արաբբաղին նշել է, որ նոր օդանավակայանը կառուցվելու է 300 հա ընդհանուր մակերեսով տարածքի վրա, շինարարության համար ահրաժեշտ ֆինանսական միջոցներն արդեն հատկացվել են, իսկ օդանավակայանը կկարողանա ընդունել քաղաքացիական եւ բեռնատար ինքնաթիռներ:
Իրանում 9 տարի առաջ ստեղծված Արազ ԱՏԳ-ն զբաղեցնում է 53 հազար հա մակերեսով տարածք: ԱՏԳ-ի տարածքն իրանական Ջուլֆա քաղաքից ձգվում է դեպի Խուդաֆերին գյուղ: Ջուլֆայում ազատ տնտեսական գոտու տարածքը կազմում է 21 հազար հա:
