Կասկադ համալիրում Հայաստանի Ազգային ֆիլհարմոնիկ նվագախումբի նախաձեռնությամբ տեղի ունեցավ «Զինվորիս հետ» խորագրով բացօթյա համերգը, որի ժամանակ կոմպոզիտոր Տիգրան Մանսուրյանը նշեց, որ այս նախաձեռնությամբ քաղաքը նոր իմաստ է ստանում. հատկապես, որ սրա հիմքում կա կորստի ցավն ապրելու և այդ ցավին արձագանքելու, դարման լինելու, օգնելու նախաձեռնությունը:
Նա նշեց, որ երաժիշտները, լսարանը համախմբվել են ոգու շուրջ, որը ստիպել է հայ ազգին մի քանի օր առաջ ցնցվել:
«Մենք միասին ենք, երաժշտությունը մեզ հետ է, որովհետև մենք ոգու ժողովուրդ ենք, մեր զենքը սկսում է այստեղ և տարածվում է մինչև սահման, մինչև զինվորները, որ կանգնած են սահմանի: Մենք զինվորի հետ ենք: Փառք ու պատիվ իրենց»,- ասաց կոմպոզիտորը:
