Հայ համայնքի մեծ ու փոքր ներկայացուցիչները հավաքվել են Նյու Յորքում ՄԱԿ-ի գրասենյակի մոտ եւ շրջապատել են Ադրբեջանի հյուպատոսության անկյունը` իրենց բողոքը հայտնելով Ադրբեջանի ագրեսիայի դեմ:
The Armenian Weekly-ի ֆեյսբուքյան էջի փոխանցմամբ՝ ցույցը մեկնարկել է 1 ժամ առաջ: Բողոքի ցույցի մասնակիցները պահանջում են վերջ դնել ադրբեջանական ագրեսիային և ճանաչել Լեռնային Ղարաբաղի անկախությունը:
Հայերեն եւ անգլերեն լեզուներով հնչում են վանկարկումներ՝ «Մարտակերտը հայկական է», «Թալիշը հայկական է», «Հադրութը հայկական է», «Ճանաչեք Ղարաբաղը, ճանաչեք հիմա»:
Ցուցարարները պահանջում են միջազգային հանրությունից աչք չփակել քաղաքացիական բնակչության եւ երեխաների նկատմամբ Ադրբեջանի կողմից կիրառվող բռնությունների առջեւ:
