«Մեծ յոթյակի» երկրների արտաքին քաղաքական գերատեսչությունների ղեկավարները հաստատել են իրենց դիրքորոշումը, որը Սիրիայում իրավիճակի կարգավորման համար պահանջում է Սիրիայի նախագահ Բաշար Ասադի հրաժարականը, փոխանցում է RIA Novosti-ն։
«Սիրիան նոր կառավարության խիստ կարիք ունի, որը կներկայացնի Սիրիայում բոլոր համայնքները և կկարողանա պաշտպանել ժողովրդին և վերակառուցել Սիրիան»,- նշվում է փաստաթղթում։
Մասնակիցները միջազգային հանրությանը կոչ են արել իրագործել ՄԱԿ ԱԽ բանաձևերը, այդ թվում՝ բոլոր կողմերին մարդասիրական օգնության անվտանգ, արագ ու անարգել հասանելիության վերաբերյալ։