Մոսկվայում տեղի է ունեցել Ռուսաստանի Լիբերալ Դեմոկրատական կուսակցության (ՌԼԴԿ) առաջնորդ Վլադիմիր Ժիրինովսկիի քանդակի հանդիսավոր բացումը, հայտնում են ռուսական լրատվամիջոցները։
Ժիրինովսկու երեք մետրանոց բրոնզե արձանը կերտել է հայտնի խորհրդային քանդակագործ Զուրաբ Ծերեթելին:
Հուշարձանը տեղակայվել է «Համաշխարհային քաղաքակրթությունների ինստիտուտի» մոտ, որի հիմնադիրը ՌԼԴԿ-ի առաջնորդն է:
Ժիրինովսկին իր արձանի բացման արարողության ժամանակ նշել է, որ երբեք մտքով չէր անցնի, որ իր պատվին քանդակ կկանգնեցվի։
