Երեկ այցելել ենք հերոս Քյարամ Սլոյանի ընտանիքին:Ինչպես արդեն տեղեկացրել էինք Սլոյանների տան տանիքի ծախսը իր վրա վերցրել է Արդարադատության նախարարությունը: Նախարարության ներկայացուցիչը այսօր Սլոյանների ընտանիքին փոխանցեց 600 հազար դրամ, քանի որ «Շեն հոլդինգ» կազմակերպությունը իր միջոցներով կվերանորոգի Սլոյանների տունը, իսկ տանիքի կառուցման համար շինանյութ էր տրամադրել Սեմուր ընդ Քո կազմակերպությունը:
«Շեն հոլդինգ» կազմակերպությունը այսօր արդեն իսկ սկսել էր շինարարական նախնական աշխատանքները: Կազմակերպության աշխատակիցները բարեկագում էին նաև Սլոյանների տուն գնացող ճանապարը, որը մինչ այդ գրեթե անանցանելի վիճակում էր: «Շեն հոլդինգ» կազմակերպության կողմից իրականացվող աշխատանքները գլխավորում է շինարար Լավրենտին: Շինարարը և ընկերությունը մեծ ջանասիրությամբ են աշխատում: Փորձում են արագացնել շինարարությունը, որպեսզի Սլոյանները հնարավորության դեպքում եզդիների նոր տարին, որը ապրիլի 20-ին է դիմավորեն վերանորոգված տանը:
«Օգնենք հերոս Քյարամ Սլոյանի ընտանիքին» նախաձեռնություն
