ՀԱՊԿ գլխավոր քարտուղար Նիկոլայ Բորդյուժան ապրիլի 14-ին ժամանելու է Հայաստանի Հանրապետություն` հանդիպելու երկրի բարձրագույն քաղաքական և ռազմական ղեկավարությանը: Այս մասին հայտնում է ՀԱՊԿ լրատվական ծառայությունը:
Ապրիլի 14-15-ը տեղի կունենա ՀԱՊԿ գլխավոր քարտուղարի աշխատանքային այցը Հայաստան: Այցի ընթացքում Բորդյուժան կհանդիպի ՀՀ Նախագահ, հավաքական անվտանգության խորհրդի նախագահ Սերժ Սարգսյանի, ՀՀ պաշտպանության նախարար Սեյրան Օհանյանի հետ:
ՀԱՊԿ հաղորդագրությունում նշված է, որ նա կզեկուցի կազմակերպության ընթացիկ գործունեության և ՀԱՊԿ նստաշրջանի 2015 թվականի սեպտեմբերի ու դեկտեմբերի որոշումների իրականացման պլանի մասին: Կքննարկվի նաև իրավիճակը Կովկասյան տարածաշրջանում, որը սրվել է ապրիլի սկզբին։
