ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը Թուրքիայի իշխանություններին մեղադրում է երկրի հարավ-արևելքում քրդերի դեմ ուղղված ռազմական օպերացիաներին ընդդիմացողների նկատմամբ ճնշումներ գործադրելու մեջ: Այս մասին գրում է Lenta.ru-ն:
Թուրքիայում քրդերի իրավունքների խախտման մասին խոսելիս Լուկաշևիչը հիշատակել է Human Rights Foundation of Turkey-ի վիճակագրության մասին, որի տվյալների համաձայն 2015 թվականի հուլիսից հետո Թուրքիայում ավելի քան 300 քաղաքացիական անձ է սպանվել ռազմական օպերացիաների արդյունքում:Միևնույն ժամանակ, որոշ տեղեկություններով, զոհերի թիվը հասնում է 600-ի:
«Քրդերի դեմ կիրառվում են տանկեր, օդուժ և հրետանի»,-հավելել է ռուսաստանցի չինովնիկը: