Ինչպես հաղորդում է Ռիա Նովոստի գործակալությունը, Օսմանյան կայսրության տապալումից հետո առաջին անգամ Թուրքիայում կկառուցվի քրիստոնեական եկեղեցի: Եկեղեցին կկառուցվի երկրում ապրող ասորիների համար:
Այդ մասին հայտնել է Թուրքիայի վարչապետ Դավուդողլին՝ քրիստոնեական փոքրամասնությունների ներկայացուցիչների հետ հանդիպման ժամանակ:
Մինչ այժմ Թուրքիայում կատարվել են միայն քրիստոնեական տաճարների վերանորոգման աշխատանքներ: Սակայն Հռոմի պապի այցելությունից հետո որոշվել է երկրում կառուցել քրիստոնեական տաճար:
Նախատեսվում է շինարարությունը սկսել առաջիկա ամիսներին:
