Լիբանանը հայտարարել է Սիրիայի քաղաքացիների համար արտոնագրային ռեժիմ սահմանելու մասին: Դա արվել է այդ երկրից փախստականների հոսքը կրճատելու նպատակով:
Նախկինում երկրների միջեւ արդկանց տեղաշարժերը գրեթե սահանափակում չունեին: Այսուհետ սիրիացիները սահմանին պետք է հայտնեն իրենց այցի նպատակը, եւ միայն բավարարող պատասխանի դեպքում սահմանապահները արտոնագիր կտան:
Սիրիացիները, որոնք Լիբանան են ժամանում աշխատելու նպատակով, պետք է պաշտոնական գործատու ունենան՝ մասնավոր անձինք կամ ընկերություններ, հայտնում է BBC News-ը:
Այժմ Լիբանանում ապրում է սիրիացի միլիոնից ավելի գրանցված փախստական, սակայն նրանց իրական թիվը կարող է հասնել մինչեւ 1,6միլիոնի: Փախստականների մեծ թիվը սոցիալական լարվածություն է առաջացրել Լիբանանում՝ 4,2 մլն բնակչությամբ պետությունում, նշում է «Ինտերֆաքսը»: