Հովհաննես Ավագյանին մեղադրանք է առաջադրվել այն բանի համար, որ նա Վագաս մարզասրահի դիմացից բռնություն գործադրելով՝ Վ. Բ.-ին նստեցրել է իրեն պատկանող ՎԱԶ-2106 մակնիշի ավտոմեքենան և նրա կամքին հակառակ տեղափոխել Արմավիր քաղաքի դաշտերը, որտեղ ոտքերով, ձեռքերով, ծառից պոկած ճյուղերով հարվածներ է հասցրել մարմնի տարբեր մասերին, իսկ գիշերը նրա կամքին հակառակ բռնություն գործադրելով՝ սեռական հարաբերություն ունեցել նրա հետ և 3 օր պահել է ավտոմեքենայի սրահում:
Նա մեղադրվում է ՀՀ քրեական օրենսգրքի 131 հոդվածի 1-ին մասով եւ 138 հոդվածի 1-ին մասով: Խափանման միջոց ընտրվել է կալանավորումը:
Մալաթիա-Սեբաստիա վարչական շրջանների ընդհանուր իրավասության դատարանից հայտնում են, որ առաջիկայում կնշանակվի դատական քննության օրը:
