Ինդոնեզիայի իշխանությունները ընդլայնել են կործանված AirAsia օդանավի ուղևորների մարմինների և «սև արկղի» որոնման գոտիները: Այս մասին հաղորդում է BBC-ն:
Որոնողական ծառայության ղեկավար Բամբանգ Սուլիստիոն հայտարարել է, որ աշխատանքներին կցվել են նոր խմբեր:
Նրա խոսքով՝ որոնողական աշխատանքների համար եղանակը ավելի բարենպաստ է դառնում, ինչը օգնում է գործին:
Հիշեցնենք, որ Ինդոնեզիայի Սորաբայի քաղաքից դեպի Սինգապուր QZ8501 չվերթն իրականացնող AirAsia ընկերության Airbus A320-200 օդանավը ռադարներից անհետացել էր դեկտեմբերի 28-ի գիշերը:
