ԼՂՀ մայրաքաղաք Ստեփանակերտում ՀՀ Նախագահ Սերժ Սարգսյանը և ԼՂՀ Նախագահ Բակո Սահակյանը խորհրդակցություն են անցկացրել ԼՂՀ օրենսդիր, գործադիր և դատական իշխանության մարմինների ներկայացուցիչների հետ:
Ինչպես հայտնում են ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, քննարկվել են վերջին օրերին Ադրբեջանի ագրեսիայի հետևանքով հանրապետությունում ստեղծված իրավիճակին վերաբերող հարցեր:
