Analitik.am-ի ամանորյա բլից հարցերին պատասխանում է քաղաքագետ Սերգեյ Շաքարյանցը:
- Սիրո՞ւմ եք Ամանորը:
- Անտարբեր եմ…
- Հավատո՞ւմ եք ամանորյա հրաշքներին:
- Ոչ:
- 2014-ի Ձեր ամենառոմանտիկ քայլը...
- Ցավոք, չի եղել ոչ մի ռոմանտիկա:
- Ամենաթանկարժեք իրը, որ ստացել եք Ամանորին:
- Ի՞ր…Ես ինձ համար նոր բջջային հեռախոս եմ գնել:
- Ի՞նչն է ձեզ հունից հանել:
- Ինչպես միշտ` տարբեր մարդկանց սուտ խոսելը:
- Համամի՞տ եք, որ բարությունը կփրկի աշխարհը:
- Ոչ առանձին, միայն գեղեցկության հետ միասին…
- Ի՞նչն է խանգարում մարդկանց երջանիկ լինել:
- Նայած մարդու…
- Տարին այծի է. ի՞նչ սպասենք այծից:
- Ոչ մի լավ բան, այծը այծ է մնում:
- Սխալ, որի համար զղջում եք...
- Չի եղել նման սխալ:
- Ավանդական բուդ դրե՞լ եք սեղանին:
- Ոչ, չենք դրել. Ճգնաժամ է:
- Երկրում ստեղծված տնտեսական ճգնաժամից դուրս գալու ելքը, ըստ Ձեզ :
- Բարդ հարց է. մեկ պատասխանով, միևնույն է, խնդիրը չի լուծվի: Սակայն, նախևառաջ, ազգային արժույթը հարկավոր է «անջատել» ցանկացած օտարերկրյա արժույթից և վերջապես սկսել վերականգնել արդյունաբերությունն ու ստեղծել նոր աշխատատեղեր:
- Ինչպիսի՞ն եք ուզում տեսնել 2015 թվականը:
- Խաղաղ, գոնե խոստումնալից և հեռանկարային, թեթևացած ճգնաժամով:
- Գալիք տարում ժողովրդի սոցիալական վիճակի մեջ փոփոխություն ակնկալո՞ւմ եք:
- Առայժմ` ոչ…
- Ինչպե՞ս եք վերաբերվում պարտքով Նոր տարվա սեղան գցելու հայկական սովորությանը:
- Վատ: Ես պարտք չեմ վերցնում : Նոր տարի նշելու համար, սովորաբար «տեղավորվում եմ» իմ աշխատավարձի մեջ: Կներեք, ԷՇ ՉԵՄ:
- Ո՞րն է 2014 թվականի քաղաքական ամենամեծ կորուստը և ձեռքբերումը:
- Կորուստներ շատ եղան. ամենամեծը երևի այն էր, որ վերջապես կոմպլեմենտարության քաղաքականության վերջը մոտեցավ: Ամենամեծ ձեռքբերումն էլ, երևի, ԵՏՄ-ի կազմ մտնելն է: Իմ կարծիքով , դրա իրական արժեքը, այնուամենայնիվ, կերևա 2015-ին:
- Կա՞ ընտանիք, որին սովորության համաձայն օգնում եք այս օրերին
-Ոչ:
- Ինչպիսի՞ մաղթանքներ կհղեք հայ ժողովրդին և analitik.am-ի ընթերցողին:
- Մեր ողջ ժողովրդին մաղթում եմ խաղաղություն, սոցիալ-տնտեսական վիճակի թեթևացում, զրկանքերից ձերբազատում, կյանքի նկատմամբ լավատեսություն…շատ բան կարելի է մաղթել. Բնականաբար առողջություն և մանկան երջանկություն, իսկ analitik.am-ի ընթերցողներին էլ նույնը` գումարած մեծաթիվ ընթերցողներ , ովքեր ավելի ուշադիր կհետևեն կայքի հրապարակումներին:
Զրուցեց Հասմիկ Մովսիսյանը
