Կանադայի վարչապետ Ջասթին Թրուդոն հայտարարություն է տարածել՝ նվիրված Հայոց ցեղասպանության 101-րդ տարելիցին:
Հայտարարության մեջ ասվում է. «Այդ օրը մենք նշելու ենք 1915 թվականին Օսմանյան կայսրությունում հայ բնակչության ողբերգական կորստի զոհերի հիշատակի 101-րդ տարելիցը: Եվ Կանադայի Սենատը եւ Համայնքների պալատը ընդունել են բանաձևեր, որոնք առնչվում են այդ իրադարձություններին որպես ցեղասպանություն:
Մենք պահպանել այն մարդկանց հիշատակը, որոնք կորցրել են իրենց կյանքը, և նրանց, որոնք տուժել են այս ցեղասպանությունից: Նաև արտահայտում ենք մեր խորին հարգանքը նրանց ժառանգների նկատմամբ, այդ թվում նրանց, որոնք Կանադան իրենց տունն են համարում:
Հանդիսավորությամբ ընդունելով այս միջոցառումը, եկեք օգտագործենք պահը որպես առաջ նայելու և մեր հավաքական վճռականությունն ամրապնդելու հնարավորություն, որպեսզի այլևս երբեք չկրկնվեն նման իրադարձություններ: Բոլոր խավերի եւ դավանանքների կանադացիները միասնական են վերահաստատելու մեր հավաքական հանձնառությունը: Այս առիթով, խնդրում եմ միանալ իմ հույսին՝ հանդուրժողականության, հարգանքի ու հաշտեցման վրա հիմնված խաղաղ ապագա ունենալու հարցում»:
