Ինչպես տեղեկացնում է ՏԱՍՍ գործակալությունը,ավելի քան 100 մարդ տարհանվել է Ռազմա-Վիրական ճանապարհի ձյունածածկ հատվածներից:
Տուժողները Հայաստանի, Վրաստանի ու Ռուսաստանի քաղաքացիներ են: Վրաստանի սահմանապահ ոստիկանության աշխատակիցները նրանց ուղղաթիռներով տեղափոխել են Գուդաուրիի հանգստավայր, որտեղից վերջիններիս մեծ մասը տեղափոխվել են Թբիլիսի:
Կազբեսկի շրջանի հյուսիսի ավտոմայրուղու այս հատվածը դժվարանանցանելի է դեռ հունվարի 6-ից՝ ձյան ու մառախուղի պատճառով: Որոշ տեղերում ձյան շերտի բարձրությունը հասնում է երկու մետրի: Անբարենպաստ եղանակային պայմանները թույլ չեն տալիս ամբողջովին ճանապարհամաքրման աշխատանքներ իրականացնել: Մինչ օրս հնարավոր չէր նաև ուղղաթիռների կիրառումը:
Հիշեցնենք, որ հունվարի վեցից կանգնեցված է երթևեկությունը նաև Դարյալիի սահմանային անցակետով և Վերին Լարսով: