Ուկրաինայի արևելքի հակամարտության զոհերի թիվը նախորդ տարվա ապրիլից կազմել է առնվազն 4808 մարդ: Ինչպես հաղորդում են ուկրաինական լրատվամիջոցները, այս մասին նշված է ՄԱԿ-ի հումանիտար հարցերի համակարգման վարչության կիրակնօրյա հաշվետվությունում:
Ըստ այդ հաշվետվության՝ 2014 թվականի ապրիլի կեսերից մինչև 2015 թվականի հունվարի 6-ն ընկած ժամանակահատվածում Ուկրաինայի արևելքում սպանվել է առնվազն 4808 մարդ՝ ներառյալ մալայզիական Boeing-ում գտնվածները: Բացի այդ, վիրավորվել է 10.468 մարդ:
