Ինչպես տեղեկացնում է Ռիա Նովոստի գործակալությունը, վաշինգտոնյան մետրոյի կենտրոնական կայարաններից մեկում ծխահարման հետեւանքով տուժած մարդկանց թիվը հասել է 84-ի:
Ավելի վաղ տեղեկացվել էր, որ պատահարի հետեւանքով տուժել էր 60 մարդ, որոնցից երկուսը՝ գտնվում էին կրիտիկական վիճակում:
Պատահարը տեղի էր ունեցել երեկ ուշ երեկոյան, մետրոյում երթեւեկությունը երկողմանի կերպով դադարեցվել էր, հարյուրավոր ուղեւորներ էվակուացվել էին, տասնյակները տեղափոխվել մոտակա հիվանդանոցներ:
Շուրջ 200 քաղաքացիներ ներկայումս բժշկական քննություն են անցնում: Պատահարի իրական պատճառը դեռեւս ճշտված չէ, գործի վարույթը գտնվում է տրանսպորտի անվտանգության ծառայության իրավասության ներքո:
