«Լեռնային Ղարաբաղում իրավիճակի սրման օրերին Հայաստանի Հանրապետությունը չի դիմել ՀԱՊԿ-ին», -այս մասին այսօր՝ ապրիլի 26-ին հայտարարել է կազմակերպության գլխավոր քարտուղար Նիկոլայ Բորդյուժան:
Նա հավելել է, որ Հայաստանի ղեկավարության հետ շփումների ժամանակ իրեն հասկացնել են տվել, որ հայկական կողմը չի օգտագործել իր ներուժի մեծ մասը:
Ընդ որում, Բորդյուժան նշել է, որ ՀԱՊԿ-ը Հայաստանին օգնության կհասնի, եթե հարձակում լինի միջազգայնորեն ճանաչված սահմանների վրա, իսկ Լեռնային Ղարաբաղն այդ սահմանների մեջ չէ:
