Ինչպես հաղորդում է INTERFAX.RU գործկալությունը, Ուկրաինայի Դոնեցկի շրջանի Վոլնովախ քաղաքի մոտ ուղեւորական ավտոբուսի վրա բացված կրակահերթի զոհերի թիվը հասել է 11-ի:
Ինչպես հայտնել են Դոնեցկի առողջապահության դեպարտամենտից մահացել է կրիտիկական վիճակում գտնվող մի կին:
Հիվանդանոցում բուժում են ստանում 17 տուժողներ, որոնցից 16-ը տեղափոխվել են Վոլնովախ, իսկ մեկ քաղաքացի՝ Մարիուպոլ:
Ուկրաինական զինվորականները հայտնել են, որ ավտոբուսի ուղղությամբ կրակ են բացել աշխարհազորայինները:
Վերջիններս պնդում են, որ պահակակետը գտնվում է իրենցից բավականին հեռու, ուստի հրետանին չէր կարող ռմբակոծել նման հեռավորությունից:
